Xəbərlər

Tarix intervalını seçin

Kateqoriya

“Unibank” ASC BFB-nin “Listinq Məsləhət Proqramı”na qoşulmuşdur

Korporativ xəbərlər

“Unibank” Kommersiya Bankı ASC Bakı Fond Birjasının (BFB) təşkil etdiyi Azərbaycan kapital bazarlarından maliyyələşməyə dəstək və yerli kapital bazarlarının təşviqinə yönəlmiş “Listinq Məsləhət Proqramı” (LMP)-na qoşulmuşdur.

Bununla əlaqədar, 26 oktyabr 2017-ci il tarixində BFB-nin İdarə Heyətinin Sədri Vüqar Namazov və Unibank ASC-nin İdarə Heyəti Sədrinin birinci müavini Asəf Hüseynov tərəfindən LMP-yə qoşulma haqqında saziş imzalanmışdır.

Sazişə əsasən Unibank kapital bazarları alətləri vasitəsi ilə investisiya cəlb olunması, bunun üçün optimal alətlərin seçilməsi, investisiya imkanlarının dəyərləndirilməsi, investorlar üçün təklifin hazırlanması üzrə proqram çərçivəsində təqdim edilən məlumat və məsləhət xidmətlərindən istifadə edəcəkdir.

LMP-yə qoşulma haqqında saziş imzalandıqdan sonra, Unibank Bakı Fond Birjasında ticarətin başlanmasını simvolizə edən açılış zənginin iştirakçısı olmuşdur.

BFB-nin Listinq Məsləhət Proqramının məqsədi kapital bazarı vasitəsi ilə şirkətlərə maliyyələşməyə dəstək göstərmək və Azərbaycan kapital bazarlarını təşviq etməkdir.

LMP çərçivəsində, şirkətlərə kapital bazarlarından effektiv maliyyələşmənin təmin edilməsi istiqamətində maliyyə, audit, hüquq, investisiya, ictimaiyyətlə əlaqələr üzrə zəruri dəstəkləyici xidmətlər təqdim edilir. BFB-nin LMP layihəsi üzrə tərəfdaşları ölkənin audit, investisiya, hüquq, ictimaiyyətlə əlaqələr sahələri üzrə ixtisaslaşmış qabaqcıl şirkətləridir.

LMP xidmətlərindən istifadə etmək üçün Azərbaycanda fəaliyyət göstərən istənilən yerli şirkət BFB-yə müraciət edə bilər. LMP çərçivəsində göstərilən xidmətlərdən istifadə ödənişsizdir.

Unibank 2002-ci ildə Azərbaycanın iki aparıcı özəl bankı birləşməsi nəticəsində Unibank adı altında fəaliyyətini davam etdirən bank, ölkədə ən iri maliyyə təsisatlarından biridir. Bank müxtəlif mülkiyyət formasına və fəaliyyət istiqamətlərinə aid olan 950 minə yaxın korporativ və fərdi müştərilərə xidmət göstərir. Dünyanın nüfuzlu maliyyə qurumlarından olan Avropa Yenidənqurma və İnkişaf Bankı və “DEG” Almaniya İnvestisiya Şirkəti Unibank-ın səhmdarları sırasındadır.